Súkkulaði og hnetusmjörs þeytingur

Þegar þig langar í eitthvað sætt en samt nærandi, þá er þessi súkkulaði þeytingur eftir Þórdísi Ólöfu hjá Grænkerum fullkominn kostur. Hann minnir á eftirrétt en er stútfullur af próteini og góðum næringarefnum sem gera kroppinum gott.

Hráefni:

1 banani
3 dl plöntumjólk, t.d. möndlumjólk
1 skeið súkkulaðiprótein frá Tropic
3-5 döðlur
1 msk. haframjöl
1 msk. hnetusmjör (má skipta út fyrir möndlusmjör)
Handfylli af klökum

Fyrir extra hollan smoothie má bæta út í 1-2 tsk. af hörfræjum, chia fræjum og/eða hampfræjum.

Setjið öll hráefnin í blandara og blandið þar til silkimjúkt.